Distribuída en dúas plantas e faiado, con espazo ao redor e garaxes, con vistas e moita luz

Vivenda de grandes dimensións en Cangas, na zona de Coiro, con vistas e luminosidade, preto da entrada á Vía Rápida do Morrazo.

O inmoble está composto de planta baixa, primeira planta e faiado. O terreo que a circunda está cementado e habilitado para aparcadoiro ou usos varios.

Na primeira planta atopámonos cunha amplísima cociña e espazo para comedor, orientado ao sur, un gran salón, catro dormitorios, un aseo e un baño con ducha.

E a planta baixa distribúese en dous dormitorios, unha cociña-salón e un baño, podéndose ampliar esta planta con algún oco máis.

Dispón de auga por pozo e calefacción eléctrica por acumuladores. A auga quente sanitaria (ACS) é por termo eléctrico.

Existen varios galpóns anexos que se poden utilizar como adega ou trasteiros e ten un garaxe cuberto con espazo para dous vehículos.

Excelente localización para vivenda habitual e situada nunha zona moi tranquila