Casa unifamiliar sita en Bon de Abaixo, Beluso (Bueu), a 20 minutos a pé da praia de Area de Bon e 4 minutos en coche. Nunha contorna moi tranquila e rodeada de natureza. Con bo acceso á Vía Rápida do Morrazo e a 25 minutos en coche de Vigo e 30 minutos a Pontevedra.
Cunha casa antiga de pedra na planta baixa, para reformar e con posibilidades de adaptala ás túas necesidades, de aproximadamente 92 m2, cunha adega duns 40 m2.
Na primeira planta sitúase a vivenda lista para entrar a vivir. Distribuída nun amplísimo salón con terraza e vistas á Ría de Aldán, gran cociña independente con saída á leira, dous baños con bañeira e con xanela, catro dormitorios, un deles moi grande e con saída á terraza e baño en suite con bañeira. Todas as estancias son moi luminosas e asolladas con excelentes vistas despexadas.
Tamén dispón dun amplo faiado cunha terraza con vistas á Ría de Aldán.
A vivenda ten tamén unha leira chaira, asollada e despexada, de aproximadamente 1.400 m2, con posibilidade de distintos usos.
Existe un hórreo e varios galpóns no circundado da vivenda para usos varios (grellada, almacén, etc).
Un dos devanditos galpóns está habilitado como garaxe cuberto para un vehículo, aínda que se poden estacionar varios vehículos ao descuberto dentro da propiedade.
Tanto a calefacción como o ACS (auga quente sanitaria) son ambos a través de caldeira de gasoil.
En resumo, unha excelente posibilidade de converterse no teu fogar habitual ou para unha segunda residencia.
Mapa de situación
A ubicación do inmoble é aproximada.
o seu entorno
