Piso moi luminoso no Casco Vello de Cangas (ref.2747)

Piso de dous dormitorios, con cociña independente completa (lavalouzas), con saída a un lavadoiro, amplo salón-comedor con acceso a terraza orientada ao Oeste, moi luminosa polas tardes e un baño con bañeira.

O edificio conta con ascensor e internet.

A calefacción é por radiadores eléctricos (calor azul) e o ACS (auga quente sanitaria) por termo eléctrico.

Non dispón de garaxe.

Situado na zona vella de Cangas, a cinco minutos andando da praia de Rodeira e moi preto de todos os servizos (Centro de Saúde, Correos, cafetarías, etc).

Non se admiten mascotas.

Alúgase equipado con roupa de cama e enxoval de cociña. Requírese fianza, cuxo importe dependerá da duración da estancia. Para reservar é necesario o anticipo equivalente a un terzo do prezo do aluguer.

Non se realizará ningún cargo adicional por consumos de auga e luz (están incluídos no prezo). As reservas non coincidentes cos meses ou quincenas tradicionais, ou para semanas soltas, poden non ser aceptadas ou poden supor variación dos prezos indicados na tarifa.